تعليقا على الحوار الذي دار صباح اليوم بين رئيس الجمهورية قيس سعيّد و زهير المغزاوي امين عام حزب حركة الشعب، انفعل الاعلامي نوفل الورتاني في برنامج “ديما لاباس” على ديوان أف أم وقام بتوجيه رسالة شديدة اللهجة لرئيس الجمهورية قيس سعيد وهذا ما قاله :
“سيدي الرئيس حتى كان انت أنظف إنسان في الدنيا، ما تفعله هو نوع من تدليس إرادة التونسيين .. ومن غير إنجازات إقتصادية المواطن موش باش يهبط يستفتي وعلاش باش نستفتي هاك قعدت عام وما عملت شي.. شديت ناس في الإقامة الجبرية وقلت عندي ملفات فساد وما شديت عليهم شي وسيبتهم أبطال.. سأفعل سأحاسب ولكن ما فما شي.. المواطن باش يفد وماهوش ماشي للإستفتاء لأنه سيفقد الثقة في الرئيس وفي سبر الآراء وشعبيتك قاعدة تطيح..”.
وأضاف الورتاني : “سيدي الرئيس يلزمك تعين رئيس حكومة يعرف يحكي مع الشعب.. وتتلها انت بالأمور السياسية وتسيب رئاسة الحكومة وتعطيها شوية حرية.. أنا كان جيت في بلاصتك نرجع الياس الفخفاخ.. ماو خرج براءة رجعوه.. خاطر التونسي حس بالثقة في الحكومة في زمن الفخفاخ.. تو تشوف كيفاش يرحيها تونس الكل ويعاودها”.
الفيديو : 
إرسال تعليق