أكدت عضو البرلمان المنحل نسرين العماري اليوم الخميس 31 مارس 2022، خلال حضورها في برنامج في 90 دقيقة على إي أف أم، أن الفصل 72 الذي استند عليه رئيس الجمهورية لحل البرلمان فضفاض، ولكن الرئيس هو الوحيد الذي يؤول الدستور في ظل غياب المحكمة الدستورية.
وقالت العماري:” إذا كان يقلك راهو أنا ضامن لوحدتها وأنا لهنا معاه، خاطر البارح كنا لحظة تاريخية وكنا انجمو نمشيو في إطار زوز شقوق، وأنا نعرف شنوة كانوا يحبو يعملوه، مش صحيح رئيس الجمهورية أعطى هدية للنهضة البارح بحل مجلس نواب الشعب بالعكس أنا نعتبرو أنقذ البلاد مهما كانت التجاوزات الدستورية لأنو تحب ولا تكره نحنا عفسنا عليه الدستور وتعديناه وماناش فيه نحن في إطار المرسوم 117 الي يحكم بيه السيد رئيس الجمهورية وهو الدستور الوضعي اللي يحكم بيه،
ولكن البارح لو كان ما عملش الخطوة هاذيكا دستوريا غالطة ولكن أخلاقيا وتاريخيا بش تكون صحيحة لأنو اللي كان ناويين عليه الجماعية نمشيو في تصادم شرعيات ووضع حكومة جديدة وإلغاء المراسيم الكل من 25 لحظة جويلية، نمشيو كذلك في إعلان على حوار وطني من غير رئيس الجمهورية نمشيو كذلك ربما في مفاوضات مع صندوق النقد الدولي ومع غيرو وجاو في لحظة أنو التشويش على المفاوضات مع صندوق النقد الدولي، اللي لعبو بيه البارح الكل حطو مصلحة الدولة تحت ساقيهم”…
إرسال تعليق