تحدّث النائب ياسين العياري، اليوم الجمعة 5 مارس 2021، عن تراخي الهيئة الوطنية لمكافحة الفساد، في ملفّ كان قد طرحه عليها.
وأكّد في تدوينة على حسابه الرسمي فيسبوك، انه قدّم ملفّ فساد بخصوص تلاعب مديرين بنظام الجرايات في وزارة الداخلية.
وقال مخاطبا هيئة مكافحة الفساد: "جبتلكم ملف فساد خطير، موثق و موصوف و بالأسماء، فيه مديرين، حول عمليات سرقة و تحيل في نظام الجرايات في وزارة الداخلية، كلمات سر تتنقل بين موظفين و إطارات تصب في منح لبعضها من فلوس دافع الضرائب دون وجه حق.
بعد قرابة 6 أشهر، بعثتولي مراسلة باش نقدملكم بقية الوثائق، هيا سيدي فرحت و قلت أخيرا بش يتحرك هالملف الكارثي و يتقدم و خاصة تتصلح الثغرات في النظام.
راسلتكم المراسلة الأولى : على ذمتكم، فقط حددولي موعد وقتاش نجيب الوثائق و نجي = أسمعت لو ناديت حيا.
زدتكم بعدها ب10 ايام، تذكير : يهديكم و يجعل منكم، راني على ذمتكم، وقتاش نجيكم = لا حياة لمن تنادي!
زاد تعدات 10 أيام و لا رد من عندكم.
آسف على إزعاجكم بما ينفع الناس، سامحوني كان قلقتكم! الغلطة غلطتي، مصر إني نحارب الفساد دون تشهير، في إطار مؤسسات الدولة و بالملفات الحقيقية المخدومة بعمق و الي فيها كل المؤيدات.. يبدو أن هذا غير مقبول في هذا البلد.
هذا المنشور، لوضعكم قدام مسؤولياتكم أمام الرأي العام.
سأنتظر دعوتكم 10 أيام أخرى، قبل أن أتجاوزكم و أنقل الملف إلى مستوى أعلى."
إرسال تعليق