علّق النائب ياسين العياري على إعلان رئاسة الجمهورية وصول 30 ألف جرعة لقاح "سبوتنيك" ضد كورونا غدا كذفعة أولى من التلاقيح التي ستصل بلادنا.
وقال النائب في تدوينة على صفحته موجها كلامه لرئيس الجمهورية قيس سعيد"خليني فقط نذكرك سيدي الرئيس أن البرلمان صادق على قانون الإنضمام لكوفاكس نهار 9 فيفري و أنك ختمته كان يوم 25 فيفري في حين كنت تنجم تختمه منذ 16 فيفري، فقط لتعطل جلب التلاقيح أسبوعا كاملا، لتستفيد من ذلك، من تأزيم الوضع، من العبث بصحة التوانسة، في عركتك السياسية.
ورغم تعطيلك للتلقيح، ورغم أنك جمدت كل عمل ديبلوماسي باش يخلط التلقيح، جاي توة تركب زقفونة بكل وقاحة، على إجتهاد رجل أعمال تونسي تدخل بعلاقاته باش تجي 30 ألف جرعة!
في الآخر،أنت لست أقل خبثا أو مغالطة منهم، فقط التوانسة مازالوا غالطين فيك!"
وتابع قائلا"عندي ملاحظات معاليك:
- الجزائر الي أعلنت إنها بش تقسم معانا التلاقيح في تزليطة دبلوماسية.. إي كيفاش تو؟ ويني؟ فكرتني بحكاية الويفي بلاش : شوطان بالصبع و كذب لا أكثر!
- علاش ما رجعتش ال500 جرعة للإمارات بعد ما ذلونا عليهم؟
تطلعش خاطر لا صحة عسكرية لا زمارة، وتم إستعمالهم والكله أفلام؟ "
وختم بالقول"إنك تتعارك مع الغنوشي، سبب ما فيه البلد من مصائب منذ 10 سنوات، لا يعطيك الحق في إنك تكذب على التوانسة وتعبث بصحتهم بخبث وتغلطهم.. يا نظيف! الناس معاك في عركتك مع الغنوشي لأنهم يعتقدون أنك نقيضه، ياخي تواترت المحطات وبدأ يبان رويدا رويدا، أنك نسخة منه فقط.. تحكي بالعربية!"
إرسال تعليق